«Smartbala» жобасы аясында «Қарапайым тәжірибеден-үлкен ғылыми жаңалыққа» тақырыбында өткен мектепішілік байқау

2026 жылғы 20 ақпан   күні мектепте «Smartbala» жобасы аясында 1–8- сынып оқушылары арасында  «Қарапайым тәжірибеден-үлкен ғылыми жаңалыққа»  тақырыбында мектепішілік стартап байқауы өткізілді. Байқауға мектеп-гимназия әкімшілігі, сынып жетекшілер қатысты.

 Іс-шараның мақсаты – оқушылардың ғылыми-зерттеу дағдыларын дамыту, шығармашылық қабілеттерін арттыру, қарапайым тәжірибелер арқылы ғылыми ойлауын қалыптастыру және инновациялық идеяларға қызығушылығын ояту.

Байқау барысында қатысушылар өз жобаларын таныстырып, тәжірибелерін көрсетіп, ғылыми жаңалықтарының маңыздылығын түсіндірді. Оқушылар өз жұмыстарын қорғап, сұрақтарға жауап беріп, практикалық нәтижелерін ұсынды. Әділқазылар алқасы жобалардың өзектілігіне, жаңашылдығына және практикалық маңыздылығына ерекше назар аударды.

Іс-шара соңында үздік жобалар марапатталып, барлық қатысушыларға алғыс білдірілді. Байқау оқушылардың зерттеушілік қабілеттерін дамытуға, өз идеяларын еркін ұсынуға және ғылыми ізденіске қызығушылығын арттыруға бағытталды.

https://www.instagram.com/reel/DVBbSdtDKo3/?utm_source=ig_web_copy_link&igsh=MzRlODBiNWFlZA==