«Ұшқыр ой алаңы» жобасы аясында «Заң тәртіптің айнасы» MI BATTLE зияткерлік ойын тақырыбында іс-шара өтті.

2026 жылғы 27 қаңтар күні мектеп-гимназияда 7–11- сынып оқушылары үшін «Заң тәртіптің айнасы» тақырыбында MI BATTLE зияткерлік ойын өткізілді.  
 Іс-шараның мақсаты – білім алушылардың құқықтық сауаттылығын арттыру, заң мен тәртіптің қоғамдағы маңызын түсіндіру, оқушылардың логикалық ойлау қабілеті мен шығармашылық белсенділігін дамыту.
 Ми баттл сайысы интеллектуалдық сайыс форматында ұйымдастырылып, 30–40 минутқа созылды. Сайысқа әрқайсысы 4 оқушыдан құралған “Әділет”, “Парасат” командалары қатысты. Командалардың өнерін 2 адамнан тұратын әділқазылар алқасы бағалады.
 Іс-шара барысында сайыс бірнеше кезең бойынша өтті. Атап айтқанда:
 – «Анаграмма» кезеңінде қатысушылар құқықтық ұғымдарға байланысты сөздер құрастырды;
 – «Блиц сұрақтар» кезеңінде заң, тәртіп және азаматтық жауапкершілік тақырыбында жылдам сұрақтарға жауап берді;
 – «Мақалды аяқта» кезеңінде заң мен әділетке қатысты мақал-мәтелдердің жалғасын тапты;
 – «Заңгер болсам…» шығармашылық кезеңінде командалар өз ойларын еркін жеткізіп, заңның қоғамдағы рөліне қатысты тұжырымдарын ұсынды.
 Іс-шара соңында жүргізушілер тарапынан қорытынды сөз айтылып, заңды құрметтеу – әр азаматтың жауапкершілігі екені ерекше атап өтілді. Сайыс нәтижесінде қатысушылар арнайы номинациялар бойынша марапатталды.

https://www.instagram.com/reel/DUFENVygkic/?utm_source=ig_web_copy_link&igsh=MzRlODBiNWFlZA==