Отбасылық тәрбие бағытында І тоқсанда жүргізілген жұмыстар
Отбасылық тәрбие бағытында ата-аналарды тәрбиелеу, олардың психологиялық-педагогикалық біліктілігін көтеру және балаларды тәрбиелеу бойынша жауапкершіліктерін арттыру басты назарға алынған. Ата-аналардың құқықтық сауаттылығын көтеру мақсатында оқу жылы барысында құқықтық жаппай оқыту сабақтары жоспарланды. Сонымен қатар ата-аналар жиналыстарында психологиялық-педагогикалық біліктілігін көтеру бағытында жұмыстар жүргізілуде.
7-12 қыркүйек аралығындағы Отбасы апталығы аясында отбасылық құндылықтар насихатталды. «Мен отбасыммен мақтанамын» бейнероликтер көрсетілімі ұйымдастырылып, ғаламтор желісінде таратылды. https://www.instagram.com/tv/CE1Uf7bHd52/?igshid=3l2dq2rl3pnb
7 қыркүйекте БҰ ұйымдастыруымен «Әжелер мектебі»тақырыбында тәрбиелік шара өткізіліп, А.Искакованың ұйымдастыруымен «Мен отбасымда бақыттымын» тақырыбында презентациялар көрсетілді, бейнероликтер дайындалды.
8 қыркүйекте 8-сыныптар арасында «Бақытты отбасы-бақытты бала» тәрбиелік шара ұйымдастырылып, 10-11-сынып оқушылары «Мен отбасыммен мақтанамын» тақырыбында бейнероликтер дайындап, әлеуметтік желілерде жариялады.
9 қыркүйекте 9-сынып оқушылары арасында «Қазақ халқының бала тәрбиесіндегі ұлттық құндылықтары» тақырыбында дөңгелек үстел өтті. https://www.instagram.com/tv/CE8H-gZHJeV/?igshid=17nhaac0s63b
19 қыркүйекте 9-сынып ата-аналары НЗМ ұйымдастырумен «Бақытты ата-ана-табысты ата-ана» тақырыбында өткен курсқа қатысып, сертификаттарға ие болды.
1 қазанда Б.Төлеубайдың ұйымдастыруымен «Менің оқырман отбасым» тақырыбында ата-аналармен кездесу өтті.
28 қазанда Ж.Суюнбаеваның ұйымдастыруымен «Біз спортты сүйеміз» атты отбасылық тәрбиелік шара өтіп, отбасылық құндылықтар, салауатты өмір салты насихатталды.
Мектеп-гимназия бойынша 9 адамнан тұратын қамқоршылық кеңесі жұмыс жасайды. Кеңестің хатшысы - тарих пәнінің мұғалімі Ж.Абишева.
Ата-аналар комитеті құрамында 7 адам бар, төрағасы Сырманаева Айнагүл, әкелер алқасының құрамында 7 адам, төрағасы Абдилов Қайрат, әжелер алқасының құрамында 5 адам, төрағасы Т.Жүнісова. Кеңестердің жоспары жасалып, бекітілді. Жоспарға сай жұмыс жүргізілуде.