Акция «Бос шөлмектерді жинау және оны пайдаға асыру күні»
5-8 сынып білім алушыларына арналған «Мен және экология» экологиялық білім беру бойынша бағдарламасына сай 6-сыныптар «Табиғат - керемет әлем» бағытында жұмыс жасайды. Осыған орай оқушының жеке басының қоршаған ортаға сай мінез-құлқын қалыптастыру, оқушы бойында табиғатқа деген сүйіспеншілікті, қоршаған ортаға құрметпен қарауға тәрбиелеу, балаларды табиғаттағы негізгі ережені сақтауға үйрету: «Зиян келтірме!» ұранымен жұмыс жасауға тәрбиелейді.Нақты жердің табиғатын сақтауға бағытталған әртүрлі экологиялық акцияларға қатысады.
Сондай акцияның бірін 18 қараша күні 6 «А» сыныбында жетекшісі Б.Төлеубай ұйымдастырды. «Бос шөлмектерді жинау және оны пайдаға асыру күні» деп аталатын акцияда оқушылар пласмасса бөтелкелерден күнделікті тұрмысқа қажетті заттарды жасап, тұрмыстық қалдықтардың зиянды жақтарына тоқталды.
