"Мектепке жол-шекарасыз жақсылық"
Қазақстан Республикасының Президенті Қ.Тоқаевтың тапсырмасын орындау мақсатында «Мектепке жол» дәстүрлі республикалық акциясы 30 қыркүйекке дейін жалғасады. Акцияның мақсаты - жаңа оқу жылына дайындық уақытында аз қамтамасыз етілген және көпбалалы отбасыларынан шыққан оқушыларға қолдау көрсету және баланың әлеуметтік себептермен мектепке келмей қалуының алдын алу.
Мектеп-гимназия фойесінде «Мектепке жол» ақпараттық стенді безендіріліп, мектеп-гимназияға қабылдау мәселелері бойынша ата-аналар мен оқушыларға кеңес беру ақпараттық алаңы ұйымдастырылды.
Мектеп-гимназия алаңында акцияның барысы мен қорытындылары туралы құжаттар, логотиптер мен плакаттар ілініп, «Мектепке жол» ақпараттық стенд жабдықталды.
ОІО Б.Қасымова білім алушыларды есепке алып, олардың қозғалысы жөнінде тиісті құжаттар жүргізуде.
Оқушылардың әлеуметтік жағдайындағы өзгерістерді білу мақсатында барлық сыныптардың жетекшілері мен ата-аналар комитеті мүшелерімен көмек қажет ететін оқушыларды анықтауда. Көмек қажет ететін оқушылардың ата-аналарынан өтініштер алынуда. Акция аясында көмек қажет ететін отбасының оқушыларын мектепке жиналуға көмектесу үшін шаруашылық, кәсіпорын басшыларына, кәсіпкерлерге, ата-аналарға өтініш-хаттар жіберілді.
