10 тамыз-Абай күні

Бүгін ұлы ғұлама Абай Құнанбайұлының туған күні. Үкімет қаулысымен 10 тамыз- Абай күні болып бекітілді. Енді бұл күн мемлекеттік мерекелер күнтізбесіне енгізілді. Сондай-ақ жыл сайын халықтық мейрам ретінде аталып өтеді. 

Биыл қазақтың дара ақыны Абай Құнанбайұлының 177 жылдығы.Ұлы ғұлама  өмірінің соңына дейін жастарды білім мен ғылымға баулумен айналысқан.  Өскелең ұрпақ үшін   сан алуан  тақырыптағы еңбектері мен тәрбиелік мәні зор қара сөздерін мұра етіп қалдырған. Биылғы атаулы датаға орай  мемлекет басшысының тапсырмасымен ұлы ақынның туған жері Семей өлкесі киелі жерлер тізіміне енгізілді. Және туған күні де халықтық мейрамдар тізіміне кірді.
 Түркі әлемінің ортақ мақтанышы, қазақтың ұлы тұлғасы — Абай Құнанбайұлының 177 жылдық мерейтойы құтты болсын!
 Абай Құнанбайұлы ғұлама ғалым, ойшыл ақын, ағартушы ұстаз ретінде ұлтымыздың тұғыры биік мақтанышы.
 Абай – дала философы. Абай шығармашылығы әлемдік туындылар қатарында орын алған халқымыздың баға жетпес мұрасы мен рухани азығы. Абай – қазақтың ұлы Абайы, жер жаһанның алыбы. Жас толқын үшін Абайдың өсиеттері мен өнері асыл қазына.