«Өзіңізді және басқаларды қалай қорғауға болады?» тақырыбында воркшоп форматындағы тренинг

Қадырғали Қосымұлы Жалайыри атындағы орта мектеп-гимназиясында психологиялық қызметтің жылдық жоспарына сәйкес «Өзіңізді және басқаларды қалай қорғауға болады?» тақырыбында воркшоп форматындағы тренинг өткізілді.

Іс-шараны педагог-психологтар М.Майкенова және А.Айтбекова ұйымдастырып, жүргізді. Воркшопқа 5–10 сынып оқушылары қатысты.

Тренинг барысында оқушыларға қауіпсіздік ережелері, қауіпті жағдайларды тану, интернеттегі қауіптен қорғану, кибербуллинг, бейтаныс адамдармен қарым-қатынас, эмоционалдық өзін-өзі қорғау тәсілдері түсіндірілді.

Оқушылар шағын топтарда нақты кейстерді талқылап, шешім ұсынды, рөлдік ойындар арқылы түрлі жағдайларда дұрыс әрекет ету дағдыларын көрсетті.

Іс-шара оқушылардың қауіпсіздік мәдениетін арттыруға, жауапты мінез-құлық қалыптастыруға, өмірлік жағдаяттарда дұрыс шешім қабылдай білуін дамытуға бағытталды.

https://www.instagram.com/p/DSEZ3u_gual/?utm_source=ig_web_copy_link&igsh=MzRlODBiNWFlZA==