Кәсіптік бағдар

      Мамандық дегеніміз – адамның еңбек қызметінің түрі. Мамандық таңдау — адам өміріндегі алдағы болашағын айқындайтын, үлкен өмірге аяқ басатын маңызды қадамдарының бірі. Алтын ұя мектебіміздің  қабырғасынан ұшатын түлек алдағы болашақ мамандық таңдау туралы ойлана бастайтыны белгілі.
 Болашағында жақсы, білімді, қажетті маман иесі болу әрбір түлектің алға қойған мақсаты, тіпті арманы десек те болады. Осыған орай, жас түлектерге дұрыс мамандық таңдауға бағыт-бағдар беру мақсатында  Жетісу мемлекеттік университетіне  11 сынып түлектерімен жаратылыстану және  математика факультативіне барып кездесу ұйымдастырылды.

І.Жансүгіров атындағы Жетісу  мемлекеттік университеті  мәнсап және жұмысқа орналастыру орталығының директоры С.А Сұмағұловамен және жартылыстану-ғылыми бағыт бойынша білім беру бағдарламасының жетекшісі биология ғылымының кандидаты Б.Ж Оксикбаевпен  кездестік. 

Мұнда жоғары оқу орындарына түсемін деген әрбір мектеп бітірушіге барлық көмек көрсетіледі. Мұнда мектеп түлектері университеттің академиялық бағдарламалары, грантқа түсу мүмкіндіктері мен білім алу шарттары туралы ақпараттармен танысып, университет жайында оқытушылардан кеңестер алдық.
 Университет жаңалықтарын тыңдап, білім бағыттарымен танысу біздің оқушыларымыз бен мұғалімдер үшін үлкен мүмкіндік ашатынына сенімім мол. Біз қазіргі заманның жаңаша талаптары мен үрдістеріне әрқашан сай болуымыз керек. Бұл үшін бір орында тұрып қалмай, ілгері жылжу басты мақсат болуы тиіс!», — деп, жеті түрлі ілім білетін ұрпақ тәрбиелеу – бүгінгі күннің негізгі міндеті екенін атап өтті.