"Ардагерлер-асыл ерлер"
2024 жылдың 2 ақпан күні мектеп-гимназия мәжіліс залында «Ардагерлер-асыл ерлер» атты Көксу ауданынан Ауған соғысына қатысқан ардагерлермен кездесу өтті. Шараға 6-11-сынып оқушылары, мектеп-гимназия ұстаздары қатысты. Кездесуді өткізуге мектеп-гимназияның «Жас Ұлан» БҰ және мектеп Парламенті белсенді түрде атсалысты.
Кездесуге Ауған соғысының ардагерлері:
Ишмуханбетов Серік Намазбаевич, Жексенов Қадылбек Нұрбекович қатысып, оқушылардың сұрақтарына жауап беріп, естелік әңгімелер айтты.Ардагерлерге мектеп-гимназия оқушылары ыстық ықыластарын білдірді. Қонақтар мерекелік шара ұйымдастырған гимназия ұстаздары мен оқушыларына алғыстарын білдірді.
Кездесу барысында Қазақстан Республикасы өз алдына тәуелсіздік алған жылдарда да Ауған соғысы ардагерлерін назардан тыс қалдырмай, олардың ерлігінің ұрпаққа патриоттық тәрбие берудегі үлгі өнегесі мол екендігі жайлы айтылып,әлемде соғыс оты жанбасын,жасампаз Отанымыз бейбітшілік пен татулықтың арқасында даму жолында өркендей берсін деген тілектер айтылды.Мерекелік кездесу патриоттық әндермен өрнектеліп,бейнефильмдер мен презентациялар көрсетілді. «Паншер патшасы» атанған қазақтың «қара майоры» Керімбаев Борис Төкенұлының ерлікке толы өмірі туралы мәлімет беріліп, бейнефильм көрсетілді.
Мектеп-гимназиясы бойынша Ауған соғысы аяқталуының 35 жылдығына арналып атқарылған іс-шаралар туралы мәлімет ғаламтор желісінде жарияланды.
