Ауған соғысы ардагерлерімен кездесу өтті.
2018 жылдың14 ақпан күні мектеп-гимназия мәжіліс залында Кеңес әскерлерінің Ауған республикасынан шығарылғанына 29 жыл толуын атап өту мақсатында Ауған соғысының ардагерлерімен мерекелік кездесу өтті.
Кездесуге Ауған соғысының ардагерлері: Басшыбаев Ғафу Қабытайұлы,
Жақсылықов Берікбай Қырықбайұлы,Табылдинов Советхан Жұмаділұлы,
Жексенов Қадылбек Нұрбекұлы және мектеп-гимназия әжелер алқасының мүшесі Райымбекова Гүлнұр Шалбайқызы, аудандық жастар ресурстық орталығының жетекшісі Дәурен Молдағали, мектеп-гимназия ұстаздары мен оқушылары қатысты.
Мектеп-гимназия директоры Мұратбек Баянұлы Төлекенов адамзат тарихындағы Ауған соғысының алар орны жайлы әңгімеледі. Кездесуге келген ардагерлерді бейбіт күннің мерейлі мерекесімен құттықтап, сол сұрапыл жылдарда көрсеткен ерліктері үшін алғыс білдіре отырып, жерлестеріміздің Отан алдындағы борыштарын атқару жолындағы жарқын жолдары- жас ұрпаққа үлгі болып қала беретінін тілге тиек етті.
Кездесу барысында Қазақстан Республикасы өз алдына тәуелсіздік алған жылдарда да Ауған соғысы ардагерлерін назардан тыс қалдырмай, олардың ерлігінің ұрпаққа патриоттық тәрбие берудегі үлгі өнегесі мол екендігі жайлы айтылып, әлемде соғыс оты жанбасын, жасампаз Отанымыз бейбітшілік пен татулықтың арқасында Елбасымыздың бастауымен даму жолында өркендей берсін деген тілектер айтылды.Мерекелік кездесу әнмен өрнектеліп, бейнефильмдер мен презентациялар көрсетіліп, жас ұрпаққа патриоттық тәрбие беру бағытында тағлымы мол естеліктер айтылды.
Соғыс ардагерлері оқушылардың сұрақтарына жауап беріп, мерекелік шара ұйымдастырған мектеп-гимназия ұстаздары мен оқушыларына алғыстарын білдірді.
Кездесу мазмұнды өтті.
