«Балалар қауіпсіздігінің алдын алу, ата-ананың бала өміріне жауапкершілігі» тақырыбындағы ата-аналар жиналысы өтті.
Жетісу облысының білім басқармасының 2022 жылдың
4 қазанындағы №42-42/165 хатына сәйкес, 2022 жылдың 10 қазан күні Қадырғали Қосымұлы Жалайыри атындағы орта мектеп-гимназиясында «Балалар қауіпсіздігінің алдын алу, ата-ананың бала өміріне жауапкершілігі» тақырыбындағы ата-аналар жиналысы өтті.
Жиналысқа 1-11-сынып оқушыларының ата-аналар комитеттерінің төрағалары мен ата-аналар кеңесінің мүшелері қатысты.
Ата-аналар жиналысы мектеп-гимназия директоры Тулекенов Мұратбек Баянұлының кіріспе сөзімен басталды, соңынан педагог-психолог Ғ.Белгібаева жағымды көңіл-күй қалыптастыру мақсатында, тренинг ұйымдастырды.
Ата-аналар жиналысы үш тақырыптық алаңдарға бөлініп ұйымдастырылды.
1-алаңда педагог-психолог Белгібаева Ғайнигүл Ноғарбекқызы «Балалар мен жасөсріпімдер арасындағы суицидтің алдын алу» тақырыбында, 2-алаңда мектеп-гимназияның қоғамдық инспекторы, тарих пәнінің мұғалімі Абишева Жадыра Мейрамханқызы «Балалар мен жасөспірімдер арасындағы құқықбұзушылықтың алдын алу» тақырыбында, 3-алаңда Алғашқы әскери дайындық пәнінің мұғалімі Темірбеков Дидар Айтқұрманұлы «Төтенше жағдайлардың алдын алу» және медбике А.Сатай «Алғашқы медициналық көмек көрсету» тақырыптарында жұмыс ұйымдастырылды.
Ата-аналар жиналысына Көксу ауданының Төтенше жағдайлар бөлімінің аға инженері, азаматтық қорғау капитаны Қасенов Жасұлан Сейтжанұлы арнайы келіп қатысты.
Тақырыптық алаңдардағы топтық жұмыстан кейін ата-аналар мектеп-гимназия мәжілім залына жиналып, өткізілген іс-шара туралы кері байланыс жасап,өз ойларын ортаға салды. Жаңаша форматта ұйымдастырылған ата-аналар жиналысының жұмысы нәтижелі болды.
Жиналысқа барлығы 64 ата-ана, 40 мұғалім қатысты.