“Нашақорлыққа жол жоқ»

Қадырғали Қосымұлы Жалайыри атындағы орта мектеп-гимназияда жасөспірімдер арасында нашақорлықтың алдын алу, құқықтық сауаттылықты арттыру және зиянды әдеттерден аулақ болуға тәрбиелеу мақсатында “Нашақорлыққа жол жоқ» тақырыбында профилактикалық іс-шара өткізілді. Аталған шараға Көксу аудандық полиция бөлімінің (АПБ) Криминалдық Полиция бөлімшесінің Аға жедел уәкілі Полиция капитаны Мұқанов Ғабит Оразғалиұлы, Криминалдық Полиция бөлімшесінің жедел уәкілі полиция аға лейтенанты Жайлаубай Әлібек Болатұлы, кәмелетке толмағандардың істері жөніндегі учаскелік полиция инспекторы Оразалиев Диас Қайратұлы арнайы келіп, 10–11-сынып оқушыларына түсіндіру жұмыстарын жүргізді.
Кездесу барысында құқық қорғау органдарының өкілдері нашақорлықтың зияны, оның адам денсаулығына, психологиясына және қоғамға тигізетін кері әсері туралы кеңінен ақпарат берді. Сонымен қатар, есірткі заттарын қолдану мен таратуға байланысты заң алдындағы жауапкершілік түсіндірілді.
Оқушылар тарапынан қойылған сұрақтарға нақты жауаптар беріліп, салауатты өмір салтын ұстанудың маңыздылығы ерекше атап өтілді.