«Заң және тәртіп» тақырыбында өткен кездесу

2026 жылдың 19 ақпан күні   мектеп-гимназияда оқушылар арасында құқық бұзушылықтың алдын алу, жасөспірімдер арасында заң талаптарын сақтау мәдениетін қалыптастыру және құқықтық сауаттылықты арттыру мақсатында «Заң және тәртіп» тақырыбында кездесу өтті. Кездесу барысында Көксу АПБ бастығының орынбасары, полиция капитаны Абдрасіл Жанат Қанатұлы, Көксу АПБ ҚҚБ ЮПТ аға УПИ полиция капитаны Тасболатова Айдана Тасболатқызы оқушыларымен кездесу өткізіп, заң талаптарын сақтау, қоғамдық тәртіпті бұзудың салдары, әкімшілік және қылмыстық жауапкершілік түрлері туралы жан-жақты түсіндірме берді. Сонымен қатар кәмелетке толмағандар арасындағы құқық бұзушылықтың алдын алу, қауіпсіз мінез-құлық ережелері, әлеуметтік желідегі қауіпсіздік мәселелері талқыланды. Кездесу барысында оқушылар тарапынан қойылған сұрақтарға нақты жауаптар берілді.
 Іс-шара өз мақсатына жетіп, оқушылардың заңға құрметпен қарауына және тәртіпті сақтауға бағытталған тәрбиелік мәні зор кездесу болды.

https://www.instagram.com/reel/DVDkX-fjFsL/?utm_source=ig_web_copy_link&igsh=MzRlODBiNWFlZA==