«Академиялық адалдық және парасаттылық» тақырыбында түсіндіру жұмысы

28 қаңтарда мектеп-гимназияда  сыбайлас жемқорлықтың алдын алу, педагогтердің құқықтық мәдениетін арттыру және білім беру үдерісінде адалдық қағидаттарын нығайту мақсатында «Академиялық адалдық және парасаттылық» тақырыбында түсіндіру жұмысы жүргізілді.

Аталған түсіндіру жұмысын мектеп-гимназия директоры А.Нурдаулетова педагогикалық ұжыммен өткізді. Кездесу барысында академиялық адалдық ұғымы, оның білім беру сапасындағы маңызы, педагогтің кәсіби жауапкершілігі, сондай-ақ сыбайлас жемқорлық көріністерінің алдын алу жолдары кеңінен түсіндірілді.Сонымен қатар, Қазақстан Республикасының сыбайлас жемқорлыққа қарсы заңнамасының негізгі талаптарына тоқталып, педагогтердің қызметінде туындауы мүмкін тәуекелдердің алдын алу жолдары қарастырылды.

Тәрбие ісі жөніндегі орынбасары Г. Кусманова мұғалімдерге бағалаудағы әділдік, құжаттарды рәсімдеудегі ашықтық, оқушылармен және ата-аналармен өзара қарым-қатынаста адалдық принциптерін сақтау қажеттілігі атап өтілді. 

Қорытынды: Өткізілген түсіндіру жұмысы педагогтердің академиялық адалдық қағидаттары жөніндегі білімін тереңдетіп, сыбайлас жемқорлыққа қарсы мәдениетті қалыптастыруға ықпал етті.

https://www.instagram.com/p/DUDWDpMDJlR/?utm_source=ig_web_copy_link&igsh=MzRlODBiNWFlZA==