"Танысу " тренинг
Тренинг төменде көрсетілген ойын-жаттығулардан тұрады . Оқушылар ойындарға белсенділік таныта қатысты.
Сергіту сәті
- Алақаныңның сыртымен қол беріп амандасу;
- Аяқтың ішкі жағымен;
- Тіземен;
- Иықпен;
Өздеріңнің ұсыныстарыңды қолданып көрейік
Жаттығу
Қуанамын мен де,
Қуанасың сен де,
Қуанамыз бәріміз,
Арайлап атқан күнге!
Күлкілі болудан қорықпау
Біздің жақсы қасиеттеріміз
Ойын
Көп адамдар басқа адамдардың алдында күлкілі, ерсі болып көрінуден қорқады, үнемі сақтанып жүреді. Келесі ойын осы қорқынышты жеңуге көмектеседі. 2 топқа бөлінеді: Бірінші топ сөз не сөз тіркесін жасырады. Екінші топтан бір адам шығып, бірінші топ оған сол сөзді сыбырлап не жазып көрсетеді. Ол өз тобына сол сөзді ым – ишарамен, мимикамен бейнелеп көрсетеді. Достары оны табуға тиісті. Сөз күлкілі, қызықты болса, ым – ишара да күлкілі болса, балалар риясыз шын ниетпен ойнайды да, күлкілі болудан қорықпайды.
Жапсыру
Біздің бойымызда әр түрлі, көптеген жақсы қасиеттеріміз бар. Соны оқушылармен бірге талқылау. Күн сәулелерінде жапсыру.
«Кел, танысайық» ойыны.
Жүргізуші алақанын соғады, қатысушылар бір - бірінің қолын қысады. Жүргізуші қоңырау соғады, қатысушылар бір - бірінің арқаларын сипайды. Жүргізушілер сылдырмақты сылдырлатады, қатысушылар мұрындарымен амандасады.
«Кішкентай ергежейлі» ойыны.
Жүргізуші қатысушыларға кішкентай мейірімді ергежейлінің рөлін ойнауды ұсынады. Жүргізуші қол соққанда, қатысушылар қолдарының шынтақтарын бүгіп, саусақтарын алдыға қарай созып «У» дыбысын қатты қорқынышты дауыспен айтады. Егер жүргізуші қолын ақырын соқса, «У» дыбысын ақырын айтады. Өздеріңіздің мейірімді ергежейлі екендеріңізді ұмытпаңыздар, аздап қана қалжыңдаймыз.
