«Абайлаңыз,балалар!» акциясы
Қадырғали Қосымұлы Жалайыри атындағы орта мектеп-гимназиясында 2019 жылдың 1-10 қыркүйек аралығында «Абайлаңыз, балалар!» республикалық акциясы өтті.
1 қыркүйек күні «Абайлаңыз,балалар!» атты республикалық алдын алу акциясы туралы түсіндірме жұмыстары жүргізілді. Шара барысында 1-11 сынып оқушылары мен мұғалімдер қамтылды. Оқу жылының басталуына байланысты Алматы облысы ПД ӘПБ әкімшілік тәжірибе аға инспекторы полиция капитаны Саят Сайлаубайұлы Ибраимов мектеп-гимназия оқушылары мен ата-аналарымен жолда жүру ережелерін сақтау бойынша түсіндіру жұмыстарын жүргізді.
2 қыркүйекте жүргізуші-ата-аналарға жолдағы оқыс оқиғалардың алдын алу мақсатында үнпарақтар мен жаднамалар таратылды. Мектеп-гимназияның «Қалқан» жас инпекторлары бала бақшалар мен ауыл көшелерінде алдын алу шаралары туралы түсіндірме жұмыстарын жүргізді.
3-7 қыркүйек аралығында барлық сыныптарда акцияға байланысты «Бағдаршам» атты сынып сағаттар өткізіліп, жол ережелері туралы түсінік берілді. Акция аясында «Абайлаңыз,балалар!» атты ата-аналар жиналысы өткізіліп, жаңа оқу жылы басталуына байланысты ата аналарға оқушылардың жолдағы қауіпсіздігі жайлы кеңестер беріліп, «Балалар-жаяу жүргіншілер» тақырыбында әңгімелесулер ұйымдастырылды.
1-4 -сынып оқушылары «Жүргізуші, менің өмірімді сақта!» суреттер көрмесін безендіріп,суреттер мен жапсырмалар байқауын өткізіп акцияға белсенді түрде өз үлестерін қосты.
6 қыркүйек күні күні 8-9- сыныптар арасында «Есіңе ал және ойлан!» атты дөңгелек үстелді 9ә сынып жетекшісі А.Даутова өткізді. Шара барысында балаларға жолда жүру ережелерін білу мен сақтаудың адам өміріндегі маңызы жайлы сөз қозғалды.