«Төтенше жағдайлар» дәрісі

Қадырғали Қосымұлы Жалайыри атындағы орта мектеп-гимназиясында  19 сәуірде  Көксу аудандық  төтенше жағдайлар бөлімінің инженері Дархан Елдосұлы ZOMM платформасы арқылы  дәріс оқып, түсіндіру жұмысын өткізді.

1. Өрт қауіпсіздігі.

Балаларға сіріңке бермеу,ауланы жинастырып қоқысты өртеген кезде өте абай болу және мектеп ауласындағы қоқысты  және темір бөтелкелерді (күн қатты қызған кезде темір бөтелке жарылуы мүмкін)  жинау.

2. Шомылу кезіндегі қауіпсіздік  шаралары.

2А. Су объектілерінде қауіпсіздік бұрыштарын құру, суға түсу маусымы басталғанға дейін ТЖБ қызметкерлерімен бірлесе оқушылар және ата-аналар арасында түсіндіру жұмыстарын жүргізу.

2В. Судағы қауіпсіздік шаралары, су объектілерінде жүріс-тұрыс қағидалары және алғашқы көмек көрсету шараларын ұйымдастыру.  

2С.  Көксу ауданы бойынша шомылатын арнайы орын жоқ, сондықтан шомылуға арнайы жасақталған және күзеті бар жерлерге бару туралы ескертпе.

3. Табиғатта демалу кезіндегі қауіпсіз әрекет ету ережелері.

3А. От жағу ережесі. Алауды арнайы бөлінген орындарда,егер ол болмаса шұңқыр қазып жағу керек.Жаңғыш заттарды пайдалануға болмайды.Алауды үнемі қадағалауда ұстаңыз.Демалыс аяқталған соң құм немесе суды пайдаланып отты сөндіруді ұмытпаңыз.

3В.Қоқыс қалдырмаңыз. Табиғатта демалғаннан соң қоқысты жинап өзіңізбен бірге алып кетіңіз.Сынған шыны қалдырмаңыз,өйткені ол лупа сияқты құрғақ шөптердің жануына септігін тигізеді.Пластик бөтелкелерді,тез тұтанатын сұйықтығы бар канистрлерді қоқысқа тастаңыз немесе оларды жинайтын пунктке өткізіңіз.

3С.Таныс емес су қоймасына суға түспеңіз.Суда нашар жүзетін адамдарға белгіленбеген жерде және белгісіз су айдынында жүзбеген абзал. Лас және өте терең су айдындарында шомылмаңыз.

3Д.Балаларды қадағалаңыз.

Табиғатта демалу кезінде балаларға сізден алыс кетуге рұқсат бермеңіз,олар қайда ойнап жүргенін қадағалаңыз. Өйткені жарылған немесе жартасты жерлердің жанындағы ойындар қауіпті болуы мүмкін.Тірі табиғатқа зиян келтірмеңіз.Жабайы жануарлардың ұялары мен күзендерін бұзбаңыз. Балаларға жәндіктерді ұстауға рұқсат бермеңіз,олар қауіпті болуы мүмкін.