"Қош келдің,Жаңа жыл!"

Мектеп-гимназия бойынша жаңа жыл мерекесін өткізу мақсатында іс-шаралар жоспары жасалып бекітілді. Жоспарға сай жұмыстар жүргізілді.

Қадырғали Қосымұлы Жалайыри атындағы орта мектеп-гимназиясы бойынша «Кел, Жаңа жыл!» атты жаңа жылдық ертеңгіліктерді өткізу гимназияның сыртқы көрінісі мен ертеңгіліктер өтетін фойесіне дейін жаңа жылдық ертегі бейнесіне сәйкес безендіруден басталды. Мектеп-гимназия қабырғаларына қаршалар жабыстырылып, қабырға газеттері ілінді.Сыртқы есік алдына ертегі кейіпкерлерінің бейнелері орнатылды.

Мектеп-гимназияның барлық кабинеттері мерекеге сай безендірілді.

26 желтоқсан күні 0-2 - сынып оқушыларына, 27 желтоқсан күні 3-7-сынып оқушыларына арналған ертеңгіліктер, 28 желтоқсан күні   8-11-сыныптардың бал-маскарад кеші  өткізілді.

28 желтоқсан күні мектеп-гимназия  ұжымы "Көксу ауданының жұмыспен қамту және әлеуметтік бағдарламалар бөлімі"  балаларына арналған ертеңгілік ұйымдастырды.

Ертегі кейіпкерлерін  мектеп-гимназияның «Жас Ұлан» балалар ұйымы мен Парламент мүшелері сомдады. Ертеңгіліктерді өткізу кезінде тәртіпті бақылау мақсатында ата-аналар мен мұғалімдерден кезекшілік кестесі жасалып, өрт қауіпсіздік ережелері қатаң сақталды.

Мектеп-гимназияда өткен ертеңгіліктер кезінде ешқандай тәртіп бұзушылық орын алған жоқ.

Мерекелік ертеңгіліктер  қызықты өтті.

Жаңа жыл мерекесіне арналып 30 желтоқсан мен 2 қаңтар аралығында мұғалімдер арасында кезекшілік кестесі жасалды.

Жаңа 2024 жылды қарсы алу бойынша мерекелік шаралар жоғары деңгейде өтті.  

Өткізілген іс-шаралар әлеуметтік желілерде жарияланды.