«Отбасындағы зорлық — үнсіз қалма!» тақырыбында ақпараттық-түсіндіру кездесуі

2 желтоқсан күні «Гендерлік зорлық-зомбылыққа қарсы 16 күндік белсенді әрекет» халықаралық компаниясы аясында Қадырғали Қосымұлы Жалайыри атындағы орта мектеп-гимназиясында «Отбасындағы зорлық — үнсіз қалма!» тақырыбында ақпараттық-түсіндіру кездесуі өтті.

Іс-шараны тарих пәнінің мұғалімі Ж. Абишева ұйымдастырып, кездесуге Көксу ауданы полиция бөлімінің қоғамдық қауіпсіздік бөлімшесі отбасылық-тұрмыстық зорлық-зомбылыққа қарсы күрес тобының инспекторы полиция аға лейтенанты Шайқазан Рахима Батыржанқызы және қыздар кеңесінің жетекшісі А. Айтқазы қатысты.

Кездесу барысында тұрмыстық зорлық-зомбылықтың түрлері, оның психологиялық, әлеуметтік және құқықтық салдары түсіндірілді. Полиция қызметкері зорлық-зомбылыққа қатысты заң талаптары мен жаза түрлерін түсіндіріп, көмек сұрау жолдарын атап өтті. Қыздар кеңесінің жетекшісі оқушыларға жеке шекараны сақтау, қауіпсіздік мәдениеті және сенім телефондарына хабарласу жолдарын айтты.