Қадырғали Қосымұлы Жалайыри атындағы орта мектеп-гимназиясында 7-10-сынып оқушылары арасында “Отбасындағы діни тәрбие” тақырыбында кездесу өтті. Кездесуге АТЖ және БАҚ-пен байланыс бөлімінің маман-теологы, РАТТ мүшесі Жомартқанов Жасұлан Мұратұлы келді. Кездесуге 325 оқушы қатысты. Кездесу барысында әр түрлі діни дәстүрлер мен отбасылық құндылықтар, балаларға діни тәрбие беруде кездесетін қиындықтар мен оларды шешу жолдары талқыланды.  

2025 жылдың 25-ақпан күні  «Заманауи технологиялары: 3D графикасы, Arduino және VEX Robotics»  тақырыбында аудандық  семинарда мектеп-гимназияның информатика пәнінің мұғалімі Матайбай  Саят Болатханұлы “VEX Robotics мүмкіндіктері” тақырыбында өз іс-тәжірибесін таратты.

2025 жылдың 25-ақпан күні мектеп-гимназияның биология пәнінің мұғалімі Г.Султанова, физика пәнінің мұғалімі Ғ.Қайрат  “Тірек мектеп” жобасы аясында Еңбекшіқазақ орта мектебі мен Ақын Қабан Жырау атындағы орта мектептің білім алушыларына Zoom платформасы арқылы Онлайн сабақ өткізді. Базалық мектептерге Онлайн трансляцияланды.

Жоспарға сай 24 ақпан    күні 5-11-сынып оқушылары арасында         «Қоғамдық мүлікті қорға!»    тақырыбында  апталық жиын өтті.  Бұл іс-шараның мақсаты – оқушыларға қоғамдық мүліктің маңыздылығын түсіндіру, оны ұқыпты пайдалану және қорғау дағдыларын қалыптастыру. Жиын барысында мектеп әкімшілігі, мұғалімдер және сынып жетекшілері қоғамдық мүлікті сақтау мәдениеті туралы түсіндірме жұмыстарын жүргізді. Сонымен қатар, оқушылар белсенділік танытып, тақырыпқа байланысты өз ойларын ортаға салды.