«Жасампаздық туа біте ме, әлде қалыптаса ма?» тақырыбында ұйымдастырылған дебат

Мектеп-гимназияда оқушылардың шығармашылық қабілеттерін дамыту, сыни тұрғыдан ойлауын қалыптастыру және өз пікірін еркін, дәлелді түрде жеткізе білу дағдыларын арттыру мақсатында «Жасампаздық туа біте ме, әлде қалыптаса ма?» тақырыбында дебат ойыны өткізілді.

Дебат ойыны барысында оқушылар екі топқа бөлініп, берілген тақырып аясында өз көзқарастарын білдіріп, дәлелдер келтіріп, пікір алмасты. Бір топ жасампаздық адамның бойына туа біте берілетін қасиет екенін дәлелдеуге тырысса, екінші топ жасампаздық адамның білім алуы, еңбекқорлығы мен тәжірибесі арқылы қалыптасатынын айтып, өз ұстанымдарын қорғады.

Оқушылар дебат ережесін сақтай отырып, бір-бірінің пікіріне құрметпен қарап, мәдениетті түрде талқылау жүргізді. Қатысушылар өз ойларын нақты мысалдармен дәлелдеп, қарсы тараптың сұрақтарына жауап беріп, логикалық тұрғыда ой қорыта білді.

Іс-шара барысында оқушылардың шешендік қабілеті, талдау және салыстыру дағдылары, топпен жұмыс жасау қабілеттері дамыды. Сонымен қатар, олардың қоғамдық мәселелерге бейжай қарамай, өз көзқарасын ашық айтуына мүмкіндік берілді.

Дебат ойыны өте тартымды әрі мазмұнды өтіп, оқушылардың белсенді қатысуымен өз мақсатына жетті. 

https://www.instagram.com/p/DVs4rmVDMAT/?utm_source=ig_web_copy_link&igsh=MzRlODBiNWFlZA==