«Менің сүйікті кейіпкерім» атты сурет байқауы

2025 жылдың 30 қыркүйегінде Қадырғали Қосымұлы Жалайыри атындағы орта мектеп-гимназиясында «Өзің оқып, өзгеге ұсын» READx форматында: «Менің сүйікті кейіпкерім» атты сурет байқауы өткізілді.
 Іс-шараны мектеп кітапханашысы Самажанова Жадыра мен  Калибаева Эльмира ұйымдастырды.

Байқаудың негізгі мақсаты – оқушыларды кітап оқуға баулу, шығармашылық қабілетін дамыту және оқылған шығарма мазмұнын көркем бейнелеу арқылы терең түсінуге ынталандыру болды. Байқауға 2–3- сынып оқушылары қатысып, өздері оқыған сүйікті кітап кейіпкерлерін сурет арқылы бейнеледі. Әр оқушы өз жұмысын таныстырып, неліктен дәл сол кейіпкерді таңдағаны туралы қысқаша әңгімелеп берді. Белсенді қатысқан оқушылар марапатталып, ең үздік суреттер мектеп кітапханасында ұйымдастырылған көрмеге қойылды.

Іс-шара барысында оқушылардың оқуға деген қызығушылығы артып, кітаптағы кейіпкерлер әлеміне шығармашылық тұрғыдан үңілу қабілеттері дамыды.
 READx форматындағы бұл шара оқушыларға кітапты жаңа қырынан тануға, өз ойын сурет арқылы жеткізуге мүмкіндік берді.