Суды сақтауға бірге атсалысайық!

Жердегі тұщы су қоры өте шектеулі, ал тұрғындар мен оның қажеттілігі ұдайы өсуде. Бұл ретте соңғы 100 жыл і шінде ғаламшар халқы 3есеге көбейген, ал ауыз суды пайдалану — 7есе, оның ішінде коммуналдық қажеттерге —13 есе өскен. Бір қатар аймақтар ауыз суының жетіспеушілігі мәселесімен әлдеқашан кездескен, ал көптеген сарапшылар оның ең күрделі

жаһандық мәселесі алдыңғы он жылдықта деп есептейді. Су қорларын тиімді, ұқыпты және тұрақты пайдалануды үйренетін кез келді.

Осы келелі мәселені шешуге бағытталған «Суды Сақтаушылар» халықаралық білім беру жобасы PepsiСo компаниясының бастамасымен Қазақстанның ЭКА Жасыл қозғалысының қолдауымен жүзеге асырылған жоба бойынша 2016 жылғы 12 сәуір мен 20 сәуір аралығында өткізілген «Суды Сақтаушылар» ІІ халықаралық экосабағынан Қадырғали Қосымұлы Жалайыри атындағы орта мектеп-гимназия мұғалімдері мен оқушылары да шет қалған жоқ.

Оқушыларда Қазақстанның су қорына деген жауапкершілік қарым-қатынасын қалыптастыру және суды күнделікті пайдалануда үнемдеп жұмсауға әдеттендіру мақсатында мектеп-гимназияның бірқатар сыныптарында «Су сақшылары»атты экосабақтары өткізілді.

Сабақтар барысында тақырыпқа сай танымдық презентация көрсетіліп, күнделікті тұрмыста ауыз суды үнемдеу дағдысын қалыптастыратын қызықты үстел ойыны ұйымдастырылды.

Сабақ барысында су туралы білімдерін көптеген пайдалы мағлұматтармен байытқан балалар өздерінің күнделікті өмірлерінде суды қалай сақтау керектігін үйренді.

«Суды Сақтаушылар» экосабағы - бұл суға деген жастар арасындағы жауапты қарым-қатынасқа тәрбиелеуге деген елеулі үлес.