"Ата-аналарды педагогикалық қолдау орталығының" салтанатты ашылуы өтті

2024 жылдың 14 ақпан күні Қадырғали Қосымұлы Жалайыри атындағы орта мектеп –гимназияда «Ата-аналарды қолдау орталығының» жұмысын таныстыруға арналған салтанатты іс-шара өтті.

Шараға аудандық білім бөлімінің маманы Н.Қ.Талипова, аудан мектептерінің директорлары мен ТІЖО,Әжелер мен Әкелер алқасының мүшелері, мектеп-гимназия оқушыларының ата-аналары қатысты. Шара барысында мектеп-гимназия директоры М.Б.Тулекенов 2023 жылдың қазан айынан бері жұмыс жасап келе жатқан  «Ата-аналарды педагогикалық қолдау  орталығының» жұмысымен және жұмыс тобымен таныстырды. 

Орталықтың сабақтарына қатысып келе жатқан Әкелер, Әжелер алқасының мүшелерінің пікірі тыңдалды.

"Ата-аналарды педагогикалық қолдау орталығының" арнайы кабинетінің тұсаукесері өтті.
 Сонымен қатар, үш алаңда: 1-4, 5-9,10-11- сынып оқушыларының ата-аналарына арналған кезекті бесінші сабағы өтті.

  «Ата-аналар мектебі» жобасы аясында  1-4 -cынып оқушыларының ата-аналарымен «Құмар ойындары – тәуелділік қақпаны. Балалардың компьютерлік ойындарға тәуелділігін қалай еңсеруге болады» тақырыбында бесінші сабағы өтті. Сабақты "Адамның үйлесімді дамуы" институтының " Ата-аналарды педагогика-психологиялық ағартудың ғылыми-әдістемелік негіздері" тақырыбындағы курсының сертификат иегері,3 Б сынып жетекшісі  А.Досанова өткізді.

5-9 -сынып оқушыларының ата-аналарымен  5-сабақ «Ақпараттан ақ-қараны ажырату өнері» тақырыбында  өтті. Сабақты "Адамның үйлесімді дамуы" институтының " Ата-аналарды педагогика-психологиялық ағартудың ғылыми-әдістемелік негіздері" тақырыбындағы курсының сертификат иегері, 9 А  сынып жетекшісі Б.Төлеубай және 7 А  сынып жетекшісі  М.Жапарова өткізді.

https://www.instagram.com/p/C3U7pXGN6Fa/?utm_source=ig_web_copy_link&igsh=MzRlODBiNWFlZA==

10-11- сынып оқушыларының ата-аналарымен 5-сабақ  «Әлеуметтік желілер және интернет кеңістігі: жоғары сынып оқушыларының қауіпсіз мінез-құлқы» тақырыбында өтті. Сабақты "Адамның үйлесімді дамуы" институтының " Ата-аналарды педагогика-психологиялық ағартудың ғылыми-әдістемелік негіздері" тақырыбындағы курсының сертификат иегері, 11 Ә сынып жетекшісі С.Жапсарбаева және 10 Б сынып жетекшісі Ж.Тулендинова  өткізді.