«Сыбайлас жемқорлық қоғамдық өмірдің құбылысы ретінде» тақырыбында дәріс

18 ақпан күні «Заң және тәртіп» идеологиясы шеңберінде 2025 жылға арналған жастар арасында академиялық адалдықты ілгерілету бойынша кешенді жоспарды іске асыру мақсатында академиялық адалдық және оның маңыздылығы тақырыбында жиналыс болды. Жиналысқа мектеп-гимназия мұғалімдері мен кіші қызметкерлері қатысты. Бұл іс-шараның мақсаты ұжым мүшелерін академиялық адалдықтың негізгі қағидаларымен және өз жұмыстарында этикалық нормаларды сақтаудың маңыздылығымен таныстыру, сондай-ақ білім беру ортасындағы плагиат пен адалдық мәселелеріне саналы көзқарасты қалыптастыру болды.
 Жиналыста мектеп-гимназия директоры А.Нурдаулетова «Сыбайлас жемқорлық қоғамдық өмірдің құбылысы ретінде» тақырыбында дәріс оқыды. Шет елдерде сыбайлас жемқорлыққа қарсы мәдениетті қалыптастыру тәжірибесіне туралы айта келе академиялық адалдық қағидаттарына тоқталды. Ұжым мүшелеріне әлеуметтік ролик көрсетіліп онда келесі негізгі мәселелер талқыланды:
 Академиялық адалдық дегеніміз не?
 Адал емес мінез-құлықтың негізгі түрлері: плагиат, алдау, деректерді бұрмалау.
 Адалдықтың беделге әсері.
 Сөзінің соңында мектеп-гимназия директоры А.Нурдаулетова тағы да академиялық адалдықтың маңыздылығына тоқталып, барлық ұжым мүшелерін осы қағидаларды ұстануға шақырды.